Ola familias, teño isto esquecido, pero espero poder retomalo para darvos a coñecer todo o que facemos na aula. Para recomezar, quero compartir con vos o inicio da preparación do noso disfraz para Entroido.
Persoalmente, quero que os nenos e nenas estean implicados no disfraz ao máximo e que os fagan seus, que os sintan seus e que se sintan partícipes, sendo conscientes do proceso, dándolle importancia a esto e non tan só ao "bonito" que quede ao final.
Como seguramente moitos de vós xa saibades, este curso imos de ASTRONAUTAS, moi acorde co proxecto que estamos levando a cabo. Esta semana estamos comezando a preparar as mochilas de astronauta que faremos coas caixas que trouxeron da casa. Para iso, fixemos un deseño das mesmas, e a través desta actividade traballamos moitos aspectos:
- Novos conceptos como "deseño" e "boceto".
- Toma de decisións, pois a pesares de que había certos elementos obrigatorios tiveron que decidir cores, localización no espazo, elementos...
- Aproveitamento e disposición espacial sobre o papel.
Aquí comparto con vós este deseños tan fermosos que fixeron, e que nun futuro poderedes comparar coas súas creacións nas mochilas.
